Itzulia Basque Challengeren laugarren edizioaren aurkezpen ofiziala egin da Bergaran

Martxa zikloturistak bere formatuari eutsi dio, eta egutegian bertan sendotu da 

Gaur, martxoak 25, Itzulia Basque Challengek bere laugarren edizioa aurkeztu du Bergaran, probaren xehetasun nagusiak jakitera eman diren ekitaldi ofizialean. 

Martxak 2026ko Itzuliko seigarren etapako ibilbidea berregingo du, eta berritasun handiena kokapenaren aldaketa izango da, aurreko edizioetan ez bezalakoa izango delako. Proban izena eman duten parte-hartzaileen kopurua ona izan da berriro, eta egutegi zikloturistan sendotzen jarraitzen du. 

Jardunaldia Itzuliaren amaierako asteburuan egingo da, eta txirrindulari profesionalen trazatu berberak egiteko aukera emango die zaleei. Antolatzaileek zenbait mailatara egokitutako bi aukera eskainiko dituzte berriro. 

World Tour ibilbideak 133,8 kilometro edukiko ditu, eta malda positiboa 3.000 metrotik gorakoa izango da. Bestetik, iraupen ertaineko ibilbideak 70,2 kilometroko alternatiba eskainiko du, baita 1.650 metrotik gorako malda ere. 

Honako hauexek parte hartu dute ekitaldian: Gorka Artola, Bergarako alkatea; Azahara Domínguez, Gipuzkoako Foru Aldundiko Mugikortasun, Turismo eta Lurralde Antolamenduko diputatua, eta Javier Riaño, probako zuzendaria.  

Ordezkari instituzionalek nabarmendu egin dute martxak zeresan handia duela lurraldea sustatzeko, turismoa bultzatzeko eta kirola egiteko tresna moduan. 

Gorka Artolak, adierazi du, “plazer handia da gure herrian Itzulia Basque Challenge-ren laugarrenedizioaren aurkezpen ofiziala egitea. Gainera, aurtengoa berezia da, lehenaldiz Eibartik kanpo egiten delako, eta Bergarak izango duelako aurtengoedizioaren abiapuntua eta bukaera hartzeko ohorea. 

“Laugarren edizioa izanik, Itzulia Basque Challenge dagoeneko finkatutadagoen ekimena da. Aurten, gainera, kokaleku aldaketak aukera oso onaematen digu beste herri batzuek ere proiektu hau bere egin dezagun, eta pozgarria da Bergarari tokatu izana. Lekuz aldatuta ere, erronka argia da: aurreko urteetan sortu den azpiegitura, antolaketa maila eta giro berezi horiguztia hemen ere errepikatzea. Partehartzaileek Euskal Herriko Itzulikotxirrindulari profesionalen esperientzia izan dezaten, gure herriak eta ingurukoeragileek gogor egingo dugu lan”.

Antolatzaileek azpimarratu dutenez, “ekitaldia apurka-apurka hazi da, parte-hartzaileen erantzuna oso handia izan da aurreko edizioetan eta, oraindik ere, txirrindularitza profesionalaren antzeko esperientzia eskaintzea dauka helburu”. 

Laugarren edizio honi begira, ibilbideko segurtasunerako erabilitako baliabideak indartuko dira. Hornidura-guneak trazatu berrietara egokituko dira, eta parte-hartzaileentzat aurreikusitako laguntzen kopuruari eutsiko zaio.  

Izena emateko epea hurrengo egunetan itxiko da, antolatzaileek zehaztutako gehieneko kopurua lortu ondoren. Baduzu esteka honetan izena ematerik.