Itzulia Basque Challengeren hirugarren edizioa hemen da 

• Aurreko edizioetako bi ibilbideak zertxobait aldatuko dira, baina 2025eko Itzuliko 6. etapako bera izango da. 

• 700 parte-hartzaile inguru, izena eman dutenen errekor berria. 

• Itzulia Basque Challenge egutegi zikloturistan finkatzen hasi da. 

Gaur, apirilak 4, Eibarren, Itzulia Basque Challenge lasterketaren hirugarren edizioa aurkeztu da. Hiri armaginak Itzuliaren azken etapa hartuko du, ziurrenik erabakigarriena eta berarekin batera, Itzulia Basque Challenge hartuko du. Apirilaren 12an, larunbata, Itzuliaren etapa nagusia izango da, eta apirilaren 13an, igandea, zaleak profesionalak bezala sentituko dira. 

Hirugarren edizio honetan, 7 mendate, 154km eta 3.600m baino gehiagoko desnibel positiboa izango du. Hain erronka gogorra nahi ez dutenentzat, antolakuntzak Fondo Erdiko ibilbidea eskaintzen du: 82,2km, 4 mendate eta 2.100m baino gehiagoko desnibela. 

Aurkezpenean Jon Iraola Eibarko alkatea, Azahara Domínguez Gipuzkoako Foru Aldundiko Mugikortasuneko, Turismoko, Ingurumeneko eta Lurralde Antolaketako diputatua eta Javier Riaño Itzulia Basque Challengeko zuzendaria izan dira. 

“Eibarko alkate Jon Iraolak bi proben garrantzia azpimarratu du. “Itzulia txirrindularitza profesionalaren erreferente bat da, eta Itzulia Basque Challengeak kirol honen emozioa gertutik bizitzeko aukera ematen die zaleei. Bi probak gure lurraren eta txirrindularitzarekiko dugun pasioaren ospakizuna dira “, adierazi du. 

Basque Challenge Itzuliak, maila guztietara irekia, txirrindularitzaz ingurune paregabean gozatzeko aukera ematen du. “Esperientzia ahaztezina eta Eibar beste ikuspegi batetik ezagutzeko aukera paregabea izatea nahi dugu”, gaineratu du Iraolak. 

Udaletik gonbidapena zabalik dago txirrindularitza maite duten guztientzat. “Kirolez, kulturaz eta dibertimenduz betetako asteburu bat bizitzea espero dugu, eta denak besoak zabalik hartzea”, amaitu du alkateak. ” 

Azahara Dominguezen esanetan, “Itzulia Basque Challenge ez da hankak eta erresistentzia probatzeko proba bat bakarrik, kalitatezko turismo jasangarria sustatzeko aukera ere bada. Gure paisaien edertasuna, Gipuzkoan gozatzen dugun kostaldearen eta mendiaren arteko sinbiosi berezi hori, munduari erakusteko aukera ematen digu”. 

“Horregatik Gipuzkoako Foru Aldunditik proba hau babesten dugu, jarduera fisikoa, bizitza osasungarria eta ingurumenarekiko errespetua sustatzeaz gain, gure eskaintza turistikoa indartzeko eta desestazionalizatzen eta deslokalizatzen laguntzeko modu bat delako, eta gure ekonomiarentzat onura garrantzitsu bat sortzen duelako”, adierazi du. 

Azkenik, Javier Riañok, zikloturisten martxaren zuzendariak, honako hau esan zuen: “Bi urte daramatzagu martxa hau antolatzen, eta dagoeneko parte hartu dutenen iruzkinak gure erakusleihorik onena izan dira hazten jarraitzeko. Gure helburu nagusia kalitatea eskaintzea eta profesionalengandik gertu dagoen esperientzia bat biziaraztea da “. Gainera, “premium maila hori lortzeko ezinbestekoa da erakundeen laguntza, proiektu honetan konfiantza duten marka pribatuena eta, jakina, hau posible egiten duten parte-hartzaile guztiena”. 

Zikloturisten esperientzia are gehiago hobetzeko, antolakuntzak baliabide gehiago inbertituko ditu segurtasunean bi proben ibilbidean zehar. Hornidurak zertxobait aldatzen dira, ibilbide berrietara egokituz, baina euskarri kopuruari eutsiz. 

Izen-emateak datozen egunetan itxiko dira.